Saamaynta Donald Trump ee Xaalada Dawladdaha Khaliijka.

Waxa aynu ka warqabnay in 21^may  2017 Madaxwaynaha Dawladda Maraykanku Mr. Donald trump uu socdaal ku tagay dawlada Sucuudiga oo uu la saxeexday heshiis ku kacaya 120-billion oo ah dhinaca saanada ciiddamada ama hub la iska dhaafsado. Hagaag! Waxa aynu Iyana ogayn xiligii uu trump olalaha ku jiray in ay ka mid ahaayeen waxyaabihii ama qodobadii uu ka hadli jiray in uu wax ka qabanayo in dawlada Sucuudiga uu Ciiddamada dawlada Maraykan ka joogga kala soo bixi doonno ama uu ku qasbi doono in lacagta ay bixiyaan kordhiyaan.   

Marka aynu is bedelka ku yimid qodobadaa aynu kor kusoo xusnay ee Mr.trump olalaha kusoo galay ee aynu u leexano dhinaca heshiiskan lacagta badan ku kacaya ee uu la saxeexday Sucuudiga waxa ay ina tusinaysaa innuu dhinac kale uga wareegay siyaasadiisii hore ee ahayd innuu ciiidamadiisa la bixi doono haddii aanay dawlada sucuudigu kordhin kharashka ay ka bixiso ciiddamada sucuudiga ka joogga.

Booqashan madaxweyne trump uu ku yimid boqortooyada sucuudiga waxa ay noqotay mid aad loo faaleeyo jariirado badan oo arimaha siyaasada ka faaloodaana wax ka qoreeen waxyaabihii aad loola socday waxa ka mid ahaa hab-dhaqanka xiligii uu ku sugnaa boqortooyada, qudhbadihii uu jeediyey xiligaaas.

Xilligii uu ku sugnaa halkaas waxa uu jeediyey khudbado aaan hore looga baran isla markaana waxa uu hoosta ka xariiqay in 90% in dadka muslimka ahi yihiin dhibanayaasha argagixiasada. 

Khudbaddiisii ugu horeysey ee uu u jeediyey madaxdii dunida Muslimka ah, waxa lagu tilmaamay mid lagu saxayey sida dunida muslimka ahi u arkaysay Trump ka dib go’aanadii uu ka qaatay mamnuucistii socdaalka muwaadininta waddamada lixda ahaa ee muslimka  [Muslim-Ban].

CNN ayaa qortay in ninkii qudbadaas qoray uu ahaa [Stephen Miller] oo ah ninkii hore u qoray qorshaha mamnuucayay muwadiininka waddamada muslimka ah ee [Muslim-ban].

Dhinaca kale, waxa uu muujiyey debac-sanaan siyaasadeed, ammaan badan iyo innuu ka waramo hodontinnamada taariikhda waddama Bariga dhexe, is-dhexgalka diimaha wadamadan iyo innuu arkayo innuu ka dhalan karo mustaqabal fiican. Waxa kale oo uu dul istagay in waddamada muslimka ah oo qudhi dhinac Uga soo wada jeestaan cadawga dawladaha dunida oo dhan.

Heshiiska Hubka Ee Sucuudiga:

Dawlada Sucuudigu waxa ay cadawgeeda koowaad u aragtaa dawladda quwada badan ee Iran isla markaana ay isku seegan yihiin xagga fariiqooyinka diineed waxa  sidoo kale ay aad iskugu sii seegeen duulaankii uu sucuudigu ku qaatay dalka Yemen Sanadii 2015 oo duqaymo badan u gaystay Xuutiyiinta Yemen oo Iran-na taageerto Sucuudiguna hub culus u isticmaalay duulaankaas dhinaca  kale dhaqaalaha dawlada sucuudiga waa laga deyrinayay  wixii ka dambeyey dagaalkaas.

Hagaag! heshiiskan waxa lagu tilmaama abid kii ugu waynaa ee dawladda sucuudigu cid la gasho isla markaana ah dhinaca saanada ciidamada kumana eeka oo keliya in ay cabsi ay ka qabto dawladda Iran ee quwada badan keliya u gashay heshiiskan , laakin waxa lagu tilmaamay mid ay ku qancinayso dawlada maraykan iyo madaxweynaheeda Trump in dawladda sucuudigu aanay meelnaba kaga fogaanayn inu muujiso inay saaxiibtinimada dhaw ee ay la leedahay dawlada Maraykanka uguna horeeyo dhinaca ganacsiga iyo is xula-faysiga.

La Soco qaybta 2^aad  Insha Allah.