Madaxweyneyaashii Ugu Muddada Dheeraa Maraykan.

waxa aynu halkan ku wadaagii doonnaa madaxweyneyaashii ugu mudada dheeraa dalka Maraykanka iyada oo lagu qiyaaso 13-madaxweyne

1. Franklin Delano Roosevelt (1933-1945)

 Mr. Roosevelt oo ka talinayay markayka sannadihii 1933-1945 ayaa ah madaxweynaha ugu muddada dheer ee ka arimiya dalwaynaha Maraykanka. Mr. Roosevelt waxa uu wadanka ka talinayay sannadihii ugu adkaa taariikhda aduunka oo ku siman dagaalkii labaad ee aduunka, Mr. Roosevelt waxa uu curiyey xeerar badan oo ay ka mid yihiin, Xeerka Nabad gelyada bulshad [Social Security Act] iyo sidoo kale koomishanka xakamaynta sarifka Exchange Commission (SEC). Mr. Roosevelt waxa uu wax ka qabtay shaqo la’aanta isaga oo hoos u dhigay 25% marka, waxa uu abuuray siyaas daris wanaag isaga oo ixtiraamay madax banaanida deriskiisa. Mr. Roosevelt  waxa uu xiligii lagu gudo jiray dagaalkii labaad ee aduunka u wareejiyay Jabaniskii maraykanka ku sugnaa xeerooyin taas oo lagu tilmaamo in ay ceeb ku ahayd. Mr. Roosevelt waxa uu markii ugu horeysa u magacaabay haweenay Frances Perkins golihiisii xukuumada isaga oo ka dhigay wasiirka shaqada. 

2. Thomas Jefferson (1801-1809)

Mr. Jefferson waxa uu ka iibsaday dhulka Louisiana France sannadkii 1803, waxa uu laban laabay dhulka uu ku fadhiyo dalka Maraykanku. Mr. Jefferson waxa uu sidoo kale u magacaabay in ay ka hawl-galaan dedaalka lagu kordhinayo dalka maraykanka Lewis iyo Clarka. Mr. Jefferson waxa uu Maraykanka ku hogaamiyey guushii dagaalkii Barbary ee (1801-05). Mr. Jefferson waxa aad loogu dhaliilaa in uu ku guul daraystay in uu soo afjaro xeerkii adoonsiga ee 1807-kii, waxyaabo lagu xasuusto na waxa ka mid ah in uu aasaasay jaamacada Viriginia sannaddii 1819-kii, waxa uu kale oo la sheegaa in uu kelidii u gu tabarucay kumanaan buug maktababada golaha koongareeska Maraykanka

 

3. James Madison (1809-1817)

James Madison  waxa uu wadanka hogaaminayay sannaddihii dagaala 1812-kii waxa uu na wadanka ka difaacay maxmiyadii Ingiriska. James Madison waxa uu saxeexay heshiiska Macon’s Bill No.2 kaas oo qeexayay in alaabooyinka iyo maraakiibta shixnadaha  Ingiriiska iyo Faransiiska loogu ogolaanayay in ay ganacsi keenan dalka maraykanka. James Madison waxa uu ku guuldaraystay in uu West Florida ka iibsado dalka Spain  iyo in uu  ka difaaco Canada xiligii dagaalkii 1812 Britian. James Madison waa madaxweynihii ugu gaabnaa abid Maraykanka, waxa uu adeer labaad u ahaa madaxweyne Zachary Taylor.

FG: Saddexdan Madaxweyne waxa la gu maamuusay in lagu muujiyo lacagta maraykanka ee loo yaqaano Dollarka. 

La Soco Qaybta Dambe